SHILLONG: Ka nongsaid ain ka Supreme Court ka Dr. Fenela L Nonglait ka la pan tiket na ka seng BJP ban iakhun ia ka MP elekshon sha ka Lok Sabha na Shillong Parliamentary constituency.
Haba kren mynta ka 15 tarik Kyllalyngkot 2024, Ka Dr. Fenela kaba dei ka riew ngeit Khristan, ka la rung sha ka BJP hadien ba ka party ka la pdiang ia ki mat ba ka la buh bad kita ki long ban ithuh noh ia ka soskular hapdeng ki Hima Khasi bad ka sorkar India ka Instrument of Accession (IoA) ban pynskhem ia ka riti dustur, ka khyndew ka shyiap, ban pyllait ia ka Uniform Civil Code (UCC) ia ka jylla, ban pynrung ia ka ktien Khasi ha ka khyrnit ba phra ka riti synshar ka ri, ka Eastern Bengal Frontier Regulation Act 1873 lane ka Inner Line Permit (ILP), ban pyllait ia ka Land Acquisition Act, 2013 namar kan pyniap ia ka Meghalaya Land Transfer Act 1972.
Ka la ong ba ka la donkam kyrkieh ka jaitbynriew ban ioh ia kine ki ain namar ba ym lah ban ap ia ka por na bynta ka jaitbynriew kaba la don ha ka jingma.
Ka la ong ba ka jingsang ne ka jingisih ia kiwei, kam dei ban long ka jingtim ia ka jaitbynriew namar ba kum ki Khristan, dei ban ieid ia ki nongshun bad ioh ban khang ia u nongtuh napoh kan long kaba kham bha ban ia kaba shu ia kaw kaw.
Ka la ong ba lada kum ka jaitbynriew ki sngewthuh ia ki jingma, ki dei ban ailad ia ka ba kan leit iasaid ha Parliament bad ban iakhun ia ki jingdawa ka jaitbynriew ha ka sorkar BJP kum ka MP.
Rung BJP ka Dr. Fenela ba mynjur ka BJP ia ka IoA, ILP, ktien Khasi, bad kiwei
