SHILLONG: Ki pulit ka nongbah kila bunkam bha ban pahara ia ka nongbah khamtam ha ki jaka ba ka President ka ri India ka Droupadi Murmu kan wan ïuh kjat ha Nongbah Shillong ha ka 16 tarik Kyllalyngkot 2024.
Mynta ka sngi la iohi ba ki pulit kila pynlong ka jingpahara ha shilynter naduh Umshyrpi haduh 7 mer ha ka jaka ba ka President kan hiar na ka kat lieng suiñ.
Ym tang katta, la iohi ruh ba ki Bomb squad ryngkat ka jingialam ïa ki ksew pulit ban pynsma ha rud ha khap jong ka surok.
Nalor kata la iohi ba ha man ki lat ba mih ba rung la iohi ba ka jingpynbiang ïa ki pulit pyniaid kali.
Ka President kan sah miet ha Tura bad kan wan sha Shillong bad kan leit jngoh īa ki katto katne tylli ki shong ha Ri Lum Khasi bad Jaiñtia.
Pahara jur ki pulit sha jaka ban iaid ka President
