SHILLONG: Watla ka shnong Mawkasiang ka dei kawei na ka shnong kaba hap hapoh ka sor Shillong ba thymmai ne ka New Shillong Township, kim iapher na ka jinglong kum ki nongkyndong.
Wat ki jingdonkam ba kongsan ruh kim pat biang satia bad ki paidbah ki dang hap ban mad ia ka jingduh bording bad ka jingkyrduh um ha kane ka shnong.
Ha ka jingiakren bad u Rangbah shnong ka Mawkasiang u bah Tisharding Kharkongor u la ong watla ka shnong Mawkasiang ka la dei ka New Shillonng hynrei dang hap ban thied um.
Ki paidbah ki mutdur ba ka Sor Shillong Thymmai kan long kaba biang nadong shadong, pynban kumba la iathuh u Rangbah shnong ka Mawkasiang, ki kam pynroi ki dang shah shrah bha.
Ula ong ba ka jingwan ka sor Shillong Thymmai ka don ka jingmyntoi ruh hynrei kumjuh ka jingduh jingmyntoi watla kam pat don than ka jingkylla haduh mynta.
Ula ong ba ka shnong ka ioh ban pynbha ia ki lynti ki syngkieng, ki jaka sait jain, ki pung bad kiwei kiwei kam pynroi, dei na ka skhim nongkyndong ka 100 sngi ne ka NREGS.
Ka shnong Mawkasiang ka don kumba 600 tnum ing eiei bad tang ki nongthep vote ka don kumba 1800 ngut eiei. Ha ka MLA ka hap sha Mawryngkneng konstitwensi katba ha ka MDC ka hap sha Malki-Laitumkhrah konstitwensi.
Ka shnong Mawkasiang hapdeng sor Shillong Thymmai hynrei dang bun ka ding ba lip ban ia kaba meh
