SHILLONG: Ka jingpynkhreh ka sorkar jylla ban khang noh ia ka karkhana Mawmluh Cherra Cement Limited ne MCCL kala pyndiaw ia ki paidbah ka Hima Sohra baroh kawei.
Ha ka jingiakren bad u Syiem ka Hima Sohra u Paiem Freeman Syiem ula iathuh ba ka Hima Sohra kala ai wai sha ka MCCL ha ki snem 1955 eiei bad man ka 20 snem hap ban pynthymmai. Katkum ka jingiateh, ka MCCL ka siew bai jaka 29,182 tyngka man u snem ia ka jingshim wai ia ka jaka kaba heh 54.55 akar kaba don ha syndah ka Hima Mawmluh.
Halor ka jingong ka sorkar ban khang noh ia ka karkhana, u paiem ula ong ba ka MCCL ka dei ka pliang ja jong ki paidbah ka Hima Sohra bad kiwei ki jaka bad ka jingthmu ban khang kan pynduh ja ia ki longing ka thain.
Ula ong ba ka kam jngohkai kam pat kiew watla ka dang shu sdang ha kine ki khyndiat snem ban kyrshan ia ki paidbah ka thaiñ Sohra.
Tang 29 hajar shi snem siew bai jaka ka MCCL sha ka Hima Sohra
