SHILLONG: Ka nongbah Shillong kaba la sakhi ia ka jingsahkut kali kaba tasam man ka sngi, kan sa khang ban iaid kali 30 minit ha ka 16 tarik Kyllalyngkot 2024, ha ka por ba ka President ka ri ka  Droupadi Murmur ka hiar ha kad liengsuin ban leit sha Mawphlang bad ha nongbah Shillong.
U Superintendent of Police (SP) ka East Khasi Hills u bah Sylvestar Nongtynger, mynta ka sngi, u la pynbna ba kane ka jingkhang iaid kaba shiteng kynta bad ula ai jingmut ia ki nongniah kali ban kiar ban leit sha ka thain Mawphlang ha ka por ba ka President ka iaid ban leit sha katei ka jaka khnang ban lait na ka jingsahkut kali. Tang ia ki kali ba kit nongpang yn pyllait ha ka por ba iaid ka President.
U SP ula pynpaw ba ym banse ban shim ia kane ka sienjam na ka jingwan ka President.