SHILLONG: Ka elekshon sha ki ar tylli ki district council, kynthup ka Khasi Hills Autonomous District Council bad ka Jaintia Hills Autonomous District Council ka lah ban ym long ha u bnai Rymphang 2024.
Ha ka jingshisha, ka samoi jong kine ki ar tylli ki district council kan kut ha u Rymphang kaban long sa tang shi bnai eiei mynta.
Kumba ju long, ka tnad District Council Affairs ka sorkar jylla ka la dei ban pynmih ia ka jingpynbna halor kane ka bynta, wat ban buh ia ka tarik ban thep vote, hynrei katkum ka jingtip kaba la ioh lum, kam pat don eiei ka jingthoh na ka sorkar jylla sha ka district council.
Ka jingbym don kano kano ka jingpyntip ban pynkhreh ia ka elekshon kum ka thup kyrteng nongthep vote, ki EVM, bad kiwei kiwei ki jingdonkam ka la paw ba ka don ka jingthmu na ka sorkar jylla wat ban pynjlan ia ka samoi treikam jong kane ka kynti.
Kine ki ar tylli ki district council kila pynkhreh ban pynwandur thymmai ia ki shnong ha ki man ki konstitwensi khnang ban pyniahap ia ka jingdon ki nongthep vote namar ba ki don ki konstitwensi kiba bun palat ki nongthep vote katba ki don kiba duna palat.
La jan kut ka samoi MDC, ym pat don dak eiei ban long elekshon
