SHILLONG: U ksiang ka seng beaiñ Hynniewtrep National Liberation Council ne ka HNLC, u bah Sadon K Blah ula ong ba ka jingthut ka jingiakren iasuk hapdeng ka sorkar jylla, sorkar pdeng bad ka HNLC, ka dei namar ba ka sorkar jylla kam shym la pynurlong ia ki jingdawa ka seng ban weng noh ia baroh ki mukotduma pyrshah ia ki nongialam ka seng.
Haba kren mynta ka 8 tarik Kyllalyngkot 2024, u bah Sadon ula ong ba ka jingiakren iasuk ka lah ban bteng tang lada ka sorkar ka weng noh ia baroh ki mukotduma pyrshah ia ki dkhot ka seng.
Ka HNLC ha ka shithi kaba 31 tarik Nohprah 2023, kala pynbna ban weng noh ia ka jingiakren iasuk bad ki sorkar hadien ba kala kam ba ka sorkar kam shym la pdiang ia ki jingdawa ba nyngkong ban mab ia ki mukotduma baroh shwa ban iaid shakhmat ia ka jingiakren.
Lada weng ia ki mukotduma, lah ban bteng biang ka jingiakren bad ka HNLC
