SHILLONG: Ka nongialam ka NPP ka kong Ampareen Lyngdoh ka la ong ba ka jingsngewthut bad ka jingsngewthuh bakla, kam dei ban khang lad ia ka jingiaid ka jingiakren iasuk hapdeng ki lai liang mamla, ba kynthup ia ka sorkar jylla, sorkar pdeng bad ka seng beain ka HYnniewtrep National Liberation Council (HNLC).
Haba kren mynta ka 8 tarik Kyllalyngkot 2024, ka kong Ampareen ka la ong ba ka NPP kaba ialam ia ka sorkar ka la kut jingmut ba ka jingiakren iasuk ka dei ban iaid shakhmat ban wanrah ia ka jingsuk kaba neh bad kaba skhem. Ka la ong ruh ba ka sorkar kan iakren kham bha halor kane hadien ba la wan u symbud myntri rangbah uba peit ia ka tnad kam pohiing u bah Prestone Tynsong shen namar ba u dang don shabar ri.
Dang shen, ka HNLC ka la pynbna ba la weng noh ia ka jingiakren iasuk dang shen hadien ba ka la kynnoh ba ka sorkar kam sngap ban weng noh ia ki mukotduma baroh pyrshah ia ki dkhot jong ka seng.
Ka jingsngewthuh bakla, kam dei ban khang lad ban iaid ka jingiakren iasuk, ong ka kong Ampareen
