SHILLONG: U myntri ka tnad jngohkai ka jylla u bah Paul Lyngdoh mynta ka sngi ula plie ia ka dur kaba la dro bad ai rong bha baroh shi rynieng ka ophis ka Deputy Commissioner Shillong kaba lai mala.
Kane ka dur ka ieng na bynta ka lariti jong ka jylla kynthup ia u Khasi, Jaintia bad Garo, kaba la dro u Mario Pathaw ba la ai kyrteng “Root and Rhythm,” bad la kyrshan da ka Indian Foundation and Asian Paints ryngkat ka jingiatreilang bad ka sorkar Meghalaya.
Haba kren halor kane, u bah Paul u la ong kane ka dur kan pyni ym tang ia ka jingitynnad ka ophis DC hynrei kan pynphuh da ki jinglong iatylli hapdeng ki tynrai bad kiba mynta. U la ong ba ka jingitynnad ka mariang kan pyniapngiah ruh ia ki nongwankai. Ia ka jylla Meghalaya kaba rit, tang ha u snem 2023 la wan poi haduh 15 lak ngut ki nongwankai pyrthei bad ka dei ka jingjop kaba khraw ia ka jylla.
Ha kane ka sngi, la don lang ka Deputy Commissioner kong Rosette Mary Kurbah, lem bad ki ophisar bad kiwei.
Riam ka ophis DC Shillong da ki dur ka mariang
