Ai jingmut u bah Paul ia ka HNLC ban ym weng na ka jingiakren iasuk

SHILLONG: Ka Sorkar Jylla ka la kyntu ia ka seng kiengatiar Hynniewtrep National Liberation Council (HNLC) ba kan pyrkhat arsien shwa ia ka jingpynbna jongka ban weng noh ia ka jingiakren iasuk bad ki sorkar.
U Nongaiktien ka sorkar Meghalaya Democratic Alliance ne MDA-2, u bah Paul Lyngdoh mynta ka 5 tarik Kyllalyngkot 2024, ula ong ba ka sorkar kam pat ioh pdiang ia ka jingthoh na ka seng HNLC hynrei la iohi tangba ki lad pathai khubor, hynrei ka sorkar kam khein sting bad ka shim khia mar mar bad kan sa iakren tang shu wan phai u myntri rangbah sha ka nongbah bad u symbud myntri rangbah ka jylla u ba peit ia ka tnad kam pohing u bah Prestone Tynsong uba dang leit shabar ri.

Ka HNLC ka la pynbna ban weng noh na ka jingiakren iasuk hapdeng ka Sorkar Pdeng, sorkar jylla hadien ba kala kam, ba ka sorkar kam shym la pynurlong ia ki jingdawa ban weng noh ia baroh ki jingmudui mukotduma pyrshah ia ki dkhot bad nongialam jong ka seng.