SHILLONG: Ka seng beain Hynniewtrep National Liberation Council ne ka HNLC kala phah shithi sha ka tnad kam pohing ka ri ba ka la rai ban weng noh na ka jingiakren iasuk bad ka sorkar jylla, sorkar pdeng namar ba ki mat kumba la dawa ka seng, khlem pynurlong.
Ha ka kyrwoh kaba don tarik 31 tarik Nohprah 2023, u Chairman-cum-Commander in Chief bah Bobby Marwein bad u General Secretary cum Publicity Secretary bah Saiñkupar Nongtraw kila ong ba da ka jingkhia mynsiem, ka seng kala hap ban leit kieng suloi biang.
Ia ka shithi la phah sha ka tnad kam pohing lyngba u ksiang u AK Mishra bad la ai kopi sha u Myntri rangbah, myntri kam pohing, u ksiang ka sorkar bah PS Dkhar bad kumjuh u ksiang ka seng bah Sadon K Blah.
Lah ban kdew ba ka jingiakren iasuk jong ka senv HNLC bad ki sorkar kala iaid la katto katne snem watla ka jingiakren kaba shisha ka dang long tang shisien, ha kaba ka sorkar jylla kala kyrpad ia ka seng ban phah iakren da ki nongialam ba halor ym da kiba rit kyrdan.
Weng noh ka HNLC na ka jingiakren iasuk bad ki sorkar
