SHILLONG: Phra ngut ki nongpyni dohksah na ka jylla Meghalaya kila wanrah khusnam na ka lympung WFF Mr. bad Ms. India 2023 kaba la long ha nongbah Jaipur, Rajasthan. Napden kine kiba wanrah takma, ar ngut ki dei ki kynthei bad 6 ngut ki shynrang.
Kine ki phra ngut ki nongpyni dohksah kiba la wanrah takma ki long Whitney Maqueen Lyngdoh Mawphlang, kaba ioh takma ksiar ha ka Women’s Sports Model Category bad ioh takma rupa ha ka Bikini Model Category. Ka Sawakani Lakiang ka ioh takma rupa ha ka Women’s Sports Model Category bad ka takma rnong ha Bikini Model Category.
Napdeng ki shynrang pat u Vivian Pajuh u ioh takma rupa ha ka Men’s Bermuda Beach Model Short category, u Ebenesar Khongsit da ka takma rnong ha Men’s Body Building Fitness Category, u Wanraplang Thubru da ka takma rnong ha Men’s Body Building Super Body Category, u Pyndapbor Dkhar da ka takma rnong ha Men’s Body Building Junior Category, u BadonKupar Kharbhih ha ka kyrdan ba hynriew ha ka Men’s Body Building Athletic Category bad u Lalremmawia Sangma ha kane kajuh ka kyrdan.
Kine baroh ki mihkhmat na ka Meghalaya Body Building and Fitness Federation.
Wanrah khusnam ki nongpyni dohksah ka jylla na Jaipur
