SHILLONG: Ka sorkar jylla ka la husiar bad phikir bha ia ka jingwan paw biang u khniang jingpang Covid-19 ha ka ri.
Ka India haduh mynta ka la don kumba 79 percent ka jinghiar kiba ioh jingpang Covid ha kine ki ar bnai ba la dep bad halor kane, ka sorkar Meghalaya ka la husiar bha ia ka jinglong jingman.
Ka myntri ka tnad ka koit ka khiah ka kong Ampareen Lyngdoh ka la ong ba ka sorkar ka la pynthikna da kaba peitngor bad phikir bha ia ka jinglong jingman bad ka la pynshlur ia ki paidbah ban kiar na kaba pynheh khubor ia ka bym shisha.
Ka India ka la sakhi ia ka jingkiew ka jingpang Covid khamtam ha jylla Kerala bad mynta ka la don kiba pang 614 ngut ha ki 24 kynta.
Husiar ka sorkar ba sdang khie biang u Covid shabar jylla
