SHILLONG: Ka jingdon ka karkhana sain dewbilat ka Mawmluh Cherra Cement Limited ne MCCL, ka wanrah lang ia kaba bha bad kaba sniew ruh kumjuh.
Na bynta ka ioh kam ioh jam, ka kamai kajih kala long shisha ka jingkyrkhu ia ki paidbah nongshong shnong ka Mawmluh bad kiwei ki shnong ka thain Sohra namar ba kala long kum ka pliang ja kaba bsa ia ki jingdonkam jong manla ki thliew ïing.
Hynrei ha kawei ka liang, ka long ruh ka jingtim namar ba ka la wanrah ia ka jingjaboh da ki pui pui bad pum pum kiba mih na ka karkhana. Kine ki jaboh pum pum bad pui pui, kila rung ha man ki thliew ïing jong ka shnong Mawmluh haduh ba ki ïing ki sem la jan baroh shi shnong ki sop ka rong pui pui baroh.
Ym tang katta, haba kren bad u sirdar ka Mawmluh sirdarship, u bah Pynskhembor Kharwanlang ula iathuh ba wat ka jingkoit jingkhiah jong ki briew ruh kala ktah bha bad ka jinbgpang jyrhoh bad kiwei, nalor ki um ki wah ki la jaboh shisha.
Ka MCCL ka long ka jingktah bad ka jingmyntoi ia ka Mawmluh
