SHILLONG: U CEM ka KHADC u bah Pyniaid Sing Syiem u la pyntip mynta ka sngi 13 tarik Nohprah 2023, u la pyntip ba ka Council kan mynjur noh ia ka ainrew Khasi-Jaintia Autonomous District Fishery Amendment Bill 2023, kaba la don lypa naduh u snem 1954 ha kane ka dorbar tlang khnang ban tehlakam ia ka jingshah pynsniew, pynjaboh ki um ki wah bad ka jingshah pynjot dusmon ki dohum dohwah.
U la ong ba ka jingthmu jong kane ka ainrew, ka long ban ai bor ia ki shnong ban pynneh pynsah ia ki wah ki um, ki dohum dohwah, ki tyllong um, ha kaba yn khang pyrshah ia kiba thmu ban pyniap dusmon ia ki dohum dohwah.
Yn sa pynwandur bha hadien ba la ioh ia ka jingmynjur na u Lat ka jylla hadien ba la mynjur ha kane ka dorbar tlang ban sa sdang ha ka taiew ban wan.
Da ka ain, pynkhreh ka KHADC ban khang pynjaboh ia ki wah, pyniap dohum dohwah
