SHILLONG: Ka Shillong All Faith Forum (SAFF), ha ryngkat ka jingiatreilang bad ka Sanker Hospital ha ka sien ba nyngkong ka la pynlong ia ka jingiaphylliew jingmut halor u drok bad kiwei ki jingdih ba ktah ia ka met u briew.
Ia kane la pynlong ha Conference Hall jong ka sanker.
Ha kane ka jingaiakren la iashim bynta naduh u president jong ka SAFF, u Bishop Purely Lyngdoh, Fr. Richard Majaw u General Secretary jong ka SAFF, Dr. Sandy Syiem u Director ka Sanker, Pastor Edwin Kharkongor, ryngkat ki doctor ki khynnah nalor kiwei de.
U Bishop Lyngdoh haba kren ha kane ka sngi, u la ban jur halor ka jingdonkam ban phylliew jingmut halor kumno ban weng ia u drok uba la ktah ia ka imlang sahlang bad uba la pynjot wat ia kiba bun ki longiing longsem.
U la ong ba kum kane ka jingiakren kan iarap ban ai jingtip bad kan iarap ruh ban ai jingiada ia ki samla na u drok.
U Fr. Majaw u la ong ba kum ki nongialam niam kila sdang ban shim ia ki sienjam halor kumno ban tehlakam ia u drok.
U Dr. Sandy u la bynrap ba ka imlang sahlang kam dei ban pynrem ia kiba pyndonkam ia u drok hynrei kadei ban ai mynsiem ia ki kumno ba kin lah ban iakhun ia ka jingeh pyrshah ia u drok khnang ba kin lah ban wanphai biang sha ka jingim ba bha.
Iathir ki nongialam Balang bad ka Sanker halor u drok
