SHILLONG: Ki shipai khappud BSF kila ioh kuru par kali Bolero pik-up ka shini kaba la suba thmu ban shalan tuh sha Bangladesh najan ka jingkieng Hingaria, East Jaintia Hills.
La kem ruh ar ngut ki briew kiba suba donkti ha kane ka kam bad la kurup ia ka shini kaba shong dor T.15 lak.
Ha ka kyrwoh, ki BSF kila ong ba ha ka miet 2 tarik Nohprah 2023, kila bat ia ar tylli ki kali Bolero Pik-Up (ML-04D-2343 and ML-04D-6828) kiba la suba jur ba kit mar tuh sha Bangladesh bad ha ka jingtalasi, la lap ba ki kit ia ka shini. Ki nongniah kila thmu ban phet krad hynrei kila shah bat noh ha ki BSF.
Ka kali ka dei kaba la rejister ha ka kyrteng ka kong Queendun Suting bad ka kong Ibannangroi Suting kiba dei na Nongbareh Lyntiara.
Ia kine ki mar bai oh kurup, la aiti sha ki bor ba dei peit, la ong ka kyrwoh na ki BSF.
Kurup shini ki BSF ba thmu shalan tuh sha Bangladesh na Hingaria
