SHILLONG: U Myntri Rangbah ka sorkar jylla u Conrad K Sangma u la iathuh ba ka sorkar jylla ka buh thong 1.40 lak tylli ki iing ban ioh jingmyntoi na ka skhim Prime Minister AwasYojana (PMAY) na bynta u snem 2023-24.
U Conrad u la ong ba ha kine ki saw snem ba ladep ka sorkar ka buh thong kumba 40 ne 50 hajar tylli ki longing kiban ioh myntoi na kane ka skhim hynrei mynta u snem 2023-24 ka sorkar ka la buh thong 1.40 lak tylli ki iing bad la buh thong ba yn pyndep lut ia baroh ki iing kiba don ha ka thup jong kane ka skhim.
“ Lyngba ka jingiatreilang bad ka sorkar India, ngi mynta ngi la pyllait ia ka pisa kumba T. 800 klur bad ngi kyrmen ba yn sdang noh ia ka jing treikam khnang ban lah ban pyndep ia ka thong ba la buh,” u la ong.
La ong na bynta ban iaid shaid shaid kane ka jingpyntreikam ia ka skhim, ka sorkar ka la buh ia u Mission Director bad 2 ngut ki Assistant Mission Director, uwei u ADC ha man ki District bad ka don ka jingiakren hapdeng ki DC man u taiew.
1.40 lak tylli ki ïing ba duk yn shna na ka PMAY
