SHILLONG: U Chief Executive Member ka Khasi Hills Autonomous District Council u bah Pyniaid Sing Syiem mynta ka sngi u la plie ia ka Shlem Jingtip jong 12 tylli ki block ha shnong Mawlam, Pynursla.
Kane ka Shlem jingtip kadei ka shlem ban ai jinghikai haba iadei bad kumno ban pynneh pynsah ia ki jinghikai ia u longshwa mynshwa bad ka kolshor.
Ia kane ka Community Led Landscape Management Project la don bynta lang da world bank.
U CEM haba kren ha kane ka sngi, u la batai sha ki paidbah halor ka rukom ka treikam ka District Council na bynta ban iada ia ka riti dustur bad ban pynneh pynsah ia ki jinghikai tynrai.
U bah pyniaid u la ong ba ki riew hyndai mynshwa kim donkam ban don da ka ain ban iada ia ki riti dustur hynrei tang ka ktien ka la biang.
Ha kane ka sngi ka la don ka jingknia jingkhriam, ka shad beh skain, Shad Mawja bad ka jingshad jingduwai ka kynjoh kha Piah.
La donlang ruh u Senior Environment Specialist ka World Bank u Piyush Dogra, u Sordar ka Raid Marwet lem bad ki paidbah nongshong kane ka thain.
Ka Shlem jingtip ban kynshew bad pynneh ia ki jingstad tynrai ha Mawlam
