SHILLONG: Ka kynhun ki samla ba wad jingtip na ri Bhutan kila pynpaw ia ka jingsngew tynnad ban ioh ia ka lad ban iaphylliew jingmut, ban iasam lem ia ki jingtip bad ki nongmihkhmat ka KHADC hapoh ka jingialam u CEM u bah Pyniaid Sing Syiem.
Haba kren sha ki lad pathai khubor mynta ka 24 tarik Naiwieng 2023, u bah Pyniaid ula iathuh ba ha kane ka jingiamir la pynsngew ia ki rukom pyniaid kam ka Council, ka jingdon ki dorbar shnong, ki hima, bad ki riti dustur.
Ula iathuh ba ki nong Bhutan kila pynpaw ba ka jingdon ka Sixth Schedule ia ki district council ka long kumba ioh ia la kajong ka ri namar ba kala ai bor ban synshar ban longtrai ia ka khyndew ka shyiap bad kiwei.
Wan lum jingtip ka kynhun na Bhutan na KHADC
