SHILLONG: U Chief Executive Member ka KHADC u bah Pyniaid Sing Syiem ula pyrshah jur ia ka jingkren jong uwei u nongialam ka Seiñ Raij, u bah Chanlok Dkhar pyrshah ia ki District Council bad, ula bthah ia u Secretary ka Council ban phah legal notice.
U bah Chanlok Dkhar haba kren ha ka seng kut snem ka seng khasi ha ka 23 tarik Naiwieng 2023 ha madan Weiking, Shillong, ula kynthah ia ki District council ha jylla ba lada kam lah ban ai ka jingiada ia ka riti dustur jong ka jaitbynriew, kan bha ban pynduh pyndam noh.
Haba kren ha ka 24 tarik Naiwieng 2023, u CEM ka KHADC ula ong ba ka jingkren jong une u rangbah kam long kaba sngew tynnad namar ula kynnoh lut ia baroh ki District Council khlem kdew mano kita kiba donkti ban leh kumta.
Halor kane, u bah Pyniaid ula pyntip ba ka Council kan pan jubab na u bah Chanlok ban pynshai halor ka jingkren jong u.
Pyrshah jur u CEM ka KHADC ba kynthah u nongialam Seiñ Raij ia ki District Council
