SHILLONG: U Nongialam Rangbah ka National Peoples Party (NPP) u Conrad K Sangma, u la ong ba haduh mynta ka party kam pat shym la rai ia uno uno u kyrtong ban pyniakhun na bynta ka MP ielskhon namar ba kam pat khot wat tang ban thep kyrteng.
Halor ka khubor ba ki lai ngut ki kyrtong kiba paw kyrteng kiban iakhun ia ka ilekshon sha ka MP kiba kynthup u Himalaya Shangpliang u MLA barim ka Mawsynram, MLA ka Mawhati u bah Dasakhiat Lamare bad u bah George u MLA barim ka Umroi.
“ Kane kadei ka dak kaba bha bad ka pyni ba ki don bun kiba kwah ban iakhun na NPP. Hynrei ia ka rai, ngin shim lang kawei ynda la bishar bad woh bniah bha ia baroh bad ngin sa shim ia ka rai ha ka por ba biang,” ong u Conrad.
U Conrad u la ong ruh ba katkum ka rukom pyniaid ka party, kiba kwah ban thep kyrteng ban iakhun ilekshon kidei ban rung shwa bad ban pyniasoh bad ka party namar kam long kam bha lada ka party kan shu ai tiket khlem da iasoh shwa bad khlem da long dkhot jong ka party.
“Ka party kam lah ba ai tiket ia u bym pat rung dkhot ha ka party bad dei tang kiba don ha ka party,” u la ong.
Dang bishar ka NPP iano ban ai tiket MP ba bun kiba pan tiket
