SHILLONG: U Superintendent of Police ka Ribhoi District, u Giri Prasad (IPS), u la iathuh ba ka jingkem ia u president ka Ri Bhoi Youth Organization (RBYO), u Bah Baiateilang Lapang kam don jingiadei eiei bad ka jingpyrshah ia ka Cherry Blossom Festival ka ban sdang naduh 17 haduh 19 tarik mynta u bnai, watla u dei ruh u Chairman ka Joint Action Committee ba pyrshah ia ka jingpynkut ia ka tamasa ha ka sngi u Blei.
U la iathuh ba ka jingkem ki pulit ka Ribhoi District ia u president ka Ri Bhoi Youth Organization (RBYO), ha ka janmiet jong ka 9 tarik mynta u bnai, ka long halor ka jingkynnoh donkti dawa pisa na kawei ka petrol pump ha ka thaiñ Byrnihat.
“Ngi la kem ia u (Banteilang Lapang) halor ki kam dawa pisa, ha Ri-Bhoi bad kumjuh ha East Khasi Hills”, la ong u Giri.
Shuh shuh u Prasad u la iathuh ba ia u Bah Lapang la wanrah noh sha East Khasi Hills namar la pynngat ain ruh ha Laban Police Station, Shillong halor kajuh ka jingshah kynnoh dawa pisa, bad mynta u dang don hapoh judicial custody ha East Khasi Hills.
Shah kem u President ka RBYO ym dei na ka Cherry Blossom, ong u SP
