SHILLONG: U symbud myntri rangbah ka jylla ba peit ia ka tnad PWD u bah Prestone Tynsong mynta ka sngi ula pyntip ba u la iakynduh ia u Secretary ka DoNER u Chanchal Kumar ban pyllait pisa noh sha ka sorkar jylla na ka bynta ban pyndep ia ki kam ba sahteng kum ka Science and Commerce College ha Mawphlang.
U la ong ba la iakynduh ia u ban pyllait pisa ia kiba bun kiwei ki projek kum ki surok ban pyllait noh ia ka pisa kiba dang sah kiba dei jong ki tnad bapher bapher.
“Nga la iakynduh ia u Secretary ka DoNER u Chanchal Kumar bad kyrpad ban pyllait noh ia ka pisa jong ki installment ba dang sah kum ka jingshna ia ka Science and Commerce College ha Mawphlang ha kaba u kontraktor ula sangeh ban trei bym pat pyllait pisa, nalor kiwei kiba iadei jong ki tnad bapher bapher”, la ong u symbud myntri rangbah.
Ha kajuh ka por, u la iathuh ba la iakynduh ruh ia u Director General ka Fire and Service Emergency ha kaba la pan 44 klur ban pynkhlain ia ka tnad pynlip ding khamtam hadien ba ka sorkar jylla ka la lap ia kiba bun ki jingduna hadien ba la sakhi ia ka jingjia pluh ding ha Khynda Lad dang shen.
Pan pisa ka Meghalaya T. 44 klur ban pynkhlain ia ka tnad pynlip ding
