SHILLONG: Ha ka 4 tarik Naiwieng 2023, u Myntri Rangbah ka jylla u Conrad K Sangma u la ong ba ka Meghalaya Legislative Assembly kala sdang ban hikai ia ki MLA Khasi ban sngewthuh ia ka ktien Garo bad kumjuh ia ki MLA Garo ban sngewthuh ia ka ktien Khasi.
U la ong ia kane haba kren ha ka Babu Hajom Kissor Sing Memorial Lecture kaba la pyllong ka Unitarian Union North Eastern India ban rakhe ia ka lyngkhuh sngi iap ba shispah jong u Babu Hajom Kissor Sing ha U Soso Tham Auditorium, Shillong.
U la ong ruh ba ka sorkar ka la iai buddien bad ka sorkar India ban ithuh noh ia ka ktien Khasi bad Garo ha ka Khyrnit ba Phra ka Riti synshar ka ri.
U myntri rangbah u la ong ruh ba ka sorkar kan ai ka jingkyrshan pisa ia kiba wad bniah, kiba kyntiew ia ki ktien lajong kum ki nongthoh kot, ki nongrwai ban pynneh bad kyntiew ia ka riti dustur bad ia ka ktien.
La sdang ka Assembly ban hikai Ktien Khasi ia ki MLA Garo bad ktien Garo ia ki MLA Khasi
