SHILLONG: Ka jingiasam ka jingiakylliang buit hapdeng ki shipai ka India bad ka Malaysia kan kut noh ha kane ka sngi u Blei ha len shipai ha Umroi, Meghalaya.
Kane ka jingiakilanmet bad iakylliang buit hapdeng kine ki shipai, ka la long kumno ban ialeh pyrshah ia ki lehnoh bad kiwei ki kam pyntriem. Ka la sdang naduh ka 23 tarik Risaw 2023.
Ka jingkilanmet ka long halor ka Multi-Domain Operations (MDO) ba kynthup ka jingiather kuli, ka jingpynher kot kudi nar, bad ka liengsuin nalor kiwei pat ki tiar juk stad mynta. Na Malaysia la iashim bynta ki shipai ka Royal battalion katba na India la shim bynta ki shipai ka Rajput Regiment.
Kane ka long ruh shi bynta ban pynkhlain bad wanrah ia ka jingiajan ha ka jingiadei paralok jong kine ki ar tylli ki ri ha ki kam iada ri.
Kut ka jingiakylliang buit ki shipai ka India bad Malaysia ban iakhun lehnoh ha Umroi
