SHILLONG: Ka tnad ialehkai ka North-Eastern Hill University (NEHU) ka la pynlong ia ka jingialehkai kynjatbol jong ki college ia ki kynthei naduh ka 30 tarik Risaw haduh 4 tarik Naiwieng 2023 ha madan ialehkai ka SAI-STC, NEHU, Shillong.
Ha kane ka jingialehkai, ki don 9 tylli ki kynhun ba iashim bynta bad ka Lady Keane College,
Shillong ka la rah ia ka nam lahduh hadien ba ka la pynliem ia ka Sngap Syiem College, Mawkyrwat da 3-1 ha ka jingiashut bol shu buh ne tie-breaker hadien ba la iakhaid ha ka jingiakhun ha madan.
Ia ki khusnam la sam u Prof. K. Debberma, Dean, School of Social Science, NEHU ba la don lang u N. Das, Asst. Director (PE & Sports), NEHU cum Organizing Secretary nalor kiwei.
Jop ki samla ka Lady Keane ia ka kynjatbol ka NEHU
