SHILLONG: Katkum ka skhim ki nongdie madan ka Meghalaya Street Vendors (Protection of Livelihood and Regulation of Street Vending) Scheme 2023, ka jingithuh ia ki nongdie madan kan long tang kiba don ka EPIC, uba sah ha Meghalaya ym duna ia ka lai snem bad uba la shong die madan la hynriew bnai.
U dei ruh ban ioh ia ka license na ka Municipal lane na ka District Council ha ki jaka kiba hap katkum ki jingpeit jongki.
Ia kane la mynjur ka jingialang ka kynhun myntri ha ka 18 tarik Risaw 2023. U nongaiktien ka sorkar u bah Paul Lyngdohl u la iathuh ba ia kine ki kyndon la mynjur hadien ba la ioh ia ka jingai jingmut na ki kynhun sengbhalang, ki dorbar shnong, ka KHADC, kumjuh na ka seng ki nongdie madan.
Ka sorkar lyngba ka tnad pynroi sor, ka la pynkhreh ruh ban buh ia ki jaka na bynta ki nongdie madan bad ban pynbna ruh ia ki jaka bym dei ban shong die madan, khnang ban wanrah ia ka jingkhuid, ban lait na ka jingkhapngiah.
Kiba die madan 6 bnai, yn ithuh kum ki nongdie madan
