SHILLONG: Ka Meghalaya Motor Sports Society (MMSS) kan pynlong ia ka ‘Drift Show’ ka sap ban niah pynher (Stun) ia ki kali ar shaka kynthup ki Bike ki Cycle bad ki Scooty.
Haba kren sha ki lad pathai khubor ka kong Phoeba Nongrum kaba dei ka nongialam jong ka MMSS, ka la ong ba kane kadei ka sien ba nyngkong ba ka Society kan pynlong ia kane ka Drift Show ka ban sa long ha ka 20 bad 21 tarik u Risaw,2023 ha ISBT, Shillong.
Ka kong Nongrum ka la ong ba ka jingpynlong ia kane ka Drift Show kan long kum ka rynsan ia ki samla kiba don ka jingsngewtynnad bad donsap ban niah ia ki kali ar shaka.
“ Ka MMSS kadei ka Society na bynta ban iarap ban kyrshan ia ki samla kiba don ia ka jingsngewtynnad bad kiba don ia ka sap ban niah pynher ban pyni ia ka sap ban pynher,” ong ka kong Nongrum.
Ka jingiakop pyni sap niah ar shaka ha jaka ieng bos ISBT, Shillong
