SHILLONF: U myntri rangbah ka jylla u Conrad K Sangma lem bad u myntri ka tnad ialehkai u bah Shakliar Warjri kila buh maw nongrim ha Rongjeng ha East Garo Hills ban shna ia ka madan ialehkai kynjatbol kaba ₹. 9.25 klur.
Haba kren ha kane ka jingialang ha ka sngi Palei, u la ong ba ha kane ka san snem ba la leit, ka sorkar ka la pynlut kumba T.400 klur ha ka tnad ialehkai bad ha kane ka snem ban wan, kan pynlut kumba T. 1000 klur.
U la ong ba ka sorkar kan pynheh bad pynbha ia ki 25 tylli ki madan ialehkai ha ka jylla da kaba siang phlang plastic bad ula pynbna ba ia ka lympung ialehkai Meghalaya Games 2023 yn pynlong ha Tura, ha kaba yn wan iashim bynta palat 3000 ngut ki nongialehkai.
Katba u myntri ka tnad ialehkai u bah Shakliar Warjri u la ong ba hapoh ka jingialam u myntri rangbah u Conrad K Sangma, ka tnad ialehkai kan pynbha bad pynbiang ia ki tiar ialehkai ha ka jylla bad ban pynlong ia ka Meghalaya kum ka nongbah jong ki nongialehkai.
Buh maw nongrim u Conrad ban shna ia ka madan kynjatbol ha Rongjeng
