SHILLONG: Shi bynta ban iada lada wan u jumai, ka Meghalaya State Disaster Management Authority ha ka sngi Palei ka la pynlong ia ka jingpyni kumno ban iada bad ban pyllait im ia ki briew lada jia ba wan u jumai bah shi spah snem tam mynta kumba la jia ha u snem 1897 uba khlain bor haduh Richter scale.
Hynrei kane ka jingpynkhie jumai ka State Disaster Management Authority ka la pynsahkut kali ha ka nongbah ha kaba ki nongleit nongwan ki la syllang nalor ba ka sor Shillong ka dei lypa kaba ju myllen ha ka jingsahkut kali.
Ha kane ka jingpyni kumba khie u jumai, la sdang naduh ka por 9 baje mynstep bad la iashim bynta ki shipai, ki pulit, ki NDRF, ki nongtrei hospital, ki skul, ki college, ki nongshong shnong bad ki boluntiar na ki kynhun bapher bapher.
Ka bynta jong ka surok ha thain Polo, Wahingdoh, Polo Supermarket (SMB), Hotel Polo towers, SBI building, Polo bad MeCEL, Lumjingshai, Samkhamti petrol Pump ha Urkaliar, Female Health Worker Training School, School of Nursing ha TTC, Ganesh Das Govt MCH, St Xavier School ha Polo, Pynthorumkhrah, Golflink, Shillong Secondary School, Forest Colony, and Civil Hospital School of Nursing kila shah ktah ha ka leit ka wan ha kane ka jingpyni ba khie jumai.
Bun ki paidbah ki thnum ia kane ka jingsahkut kali katba ka bor district ka la kyntu ia ki paidbah ban iatreilang ban ym syier halor kane ka jingpyni nuksa ban iada na u jumai.
Pynkhie jumai 1897 ka tnad SDMA, dheng kali jur ha Shillong
