SHILLONG: Ka jingpynlong ki kali ia ka surokbah Guwahati-Shillong ka la long kaba isaitmet shisha. Mynta ka 11 tarik Risaw 2023, ki dkhot ka RBYF Lumnongrim kila ioh bat ia kawei ka trok AS-01-NC-7796, kiba la wan bret ia ki jaboh ha Umsning Bypass. Ki dkhot ka RBYF kila phah tam biang ia kine ki dkhar kiba wan bret jaboh mardor.
Ki nongialam ka RBYF, kila ong ba katei ka trok ka dei kaba wan na Beltola bad kaba leit ban pynhap mar sha College of Agriculture University, Kyrdemkulai, hynrei haba ka la wanphai na katei ka jaka, ia ki jaboh jabain pat ki la leit ban bret ha Umsning By-pass, kaba don hajan ka wan Umpih.
Ki dkhot ka seng kila bthah ia ki ban tam biang, ia baroh katei ka niut, ba ki la bret ha katei ka jaka.
Pynlong jaka theh ñiut ki kali ia ka surokbah, ioh bat ka RBYF ia ka trok na Assam
