SHILLONG: Ka KSU East Jaintia hills district hapoh ka jingialam u Samla Streamly S Suchen ka la buh da ka ejahar pyrshah iaka u Project Director ka NHAI halor ka jingbym suidniew ban pynbha ia u surok. La ujor pyrshah ia utei u director ha u Superintendent of Police ka East Jaintia hills district mynta ka sngi.
Ka seng hadein ka jing ujor iaka FIR mynta ka sngi kan sa kynduh ia u Deputy commissioner ka District lashai ka sngi ban pan ka kaiphod ba kumno ki kam haba iadei bad u surok ki lah iaid. Ka seng ka la shim ia sa kane kawei pat ka sienjam namar ka jing bym peit mat ka NHAI ha kaba u ne u surok u lah ktah jur ia u paidbah ba iaid lyngba une u NH 6.
Ka seng ka la suba ruh ba lehse ka daw jong ka jingslem ka don kaei kaei sha lyndet haba iadei bad ki kam contract ha kaba iakane ka Seng lada ym banse kan hap dawa ban tohkit daka CBI enquiry. Ka Seng ka pynpaw ba ka jingbym shim khia ki bor ba dei peit kan pynbor iaka seng ban shim pat da kiwei ki sienjam bad pynurlong iakane ka mat kaba ktah ia u paidbah
Ujor ejahar ka KSU EJH pyrshah ia u Project Director ka NHAI
