SHILLONG: U MDC ka thain uba dei u CEM ka KHADC u bah Pyniaid Sing Syiem ha ka sngi Saitjain u la ong ba ka sorkar kan sa plie maw nongrim noh shen ban tei ia ka Indoor Stadium, ha Umpling.
Kane ka Indoor Stadium, kan long kumba T. 4 klur eiei ka jingmang pisa, ha kaba u Myntri Rangbah ka jylla u Conrad K Sangma un wan ban plie maw nongrim noh shen.
“La ioh jingmang pisa T.4.30 klur ban shna ia kane ka madan bad ka Indoor Stadium kaban long T. 3 klur eiei” la ong u bah Pyniaid haba kren ha ka jingpynkut ia ka jingialehkai kynjatbol ha Umpling.
U bah Pyniaid u la ong ba ka KHADC kan pyllait T. 50 lak ban pynbit pynbiang ia ka madan kynjatbol ha Umpling bad, ka Umpling ka dei ka jaka pdeng jong ki shnong ha katei ka thain bad kane kan long shi bynta ban kyntiew ia ki samla kiba donsap ha ki kam bapher bapher ym tang ha ka jingialehkai.
Tuid ka klur ha Umpling, shen yn plie maw nongrim ia ka Indoor Stadium
