SHILLONG: Ka Umpling Sports Club ka s ioh ba lan pynkut noh ia ka Inter Dong Football Tournment hadien kumba 3 bnai ba la pyntyllun ia kane ka tournment bad ha kane ka final ka jingiakhun ka long hapdeng ka Umbah B bad ka Umpling Kickers Football Academy.
La wan ban sakhi ia kane ka tournment da u bah Pyniaid sing Syiem uba dei u MDC bad CEM ka KHADC kum u kongsan, u bah Fantin Lakadong MDC ka Malki Laitumkhrah bad u EM jong ka tax, Mining and minerals, sports and youth affairs bad water resources kum u symbud kongsan, Bah L. Jyrwa, President, Umpling Sports Club, Bah, K.J. Sanglyne, Secretary Umpling Sports Club, Bah S.F Pyngrope, Rangbah Shnong Umpling, ki nongkitkam shnong, ki seng samla, ki dkhot ka Umpling Sports Club ba ki paidbah kiba wan ban sakhi ia kane ka tournament.
U bah Pyniaid Sing Syiem ha ka jingkren jong u, u la ai khublei ia ka shnong bad ki dong kiba la iatreilang ban sei ia ka sap ka phong ki samla kiba lah ban mihkhmat ia ka sports club ha ki rynsan kiba heh.
U la pynbna ba nalor ka 4 klur 30 lak ba ladep sanction ia ka mini stadium, la ioh na sorkar jylla lynfba ka sports department la mang sa 3 klur duna ban pyndep ia ka indoor sports complex baroh ka long 7 klur tam.
Na ka liang ka Council, lyngba u EM bad u CM, kan pyllait kumba 50 lak ban pynbit pynbiang ia ka madan football ha Umpling bad ia kane u CEM u la pynbna hadien ka jingmynjur na ka sorkar jylla.
Haba phi sha ka jingialehkai ka Umpling Kickers Football Academy ka la jop ia ka Umbah S.C da 1 kol la 0.