SHILLONG: Ka sorkar jylla ka la pyniar ia ka lyngkha trei jong ka Aganwadi centre ha ka jylla lyngba ka jingkyrshan ka sorkar pdeng kum shi bynta ban ai ka jingshakri kaba kham paka ia ki khynnah bad ki longkmie baar met.
U myntri ka tnad social welfare ka jylla u bah Paul Lyngdoh u la ong mynta ka 06 tarik Risaw 2023, ba ka sorkar jylla kan plie shuh sa 266 tylli ki aganwadi centre kiba rit bad kan kyntiew kyrdan ia ki 1266 ki centre rit sha ka centre heh ha ka jylla.
Ia kane ka jingioh ka jylla, ka dei hadien ba u bah Paul Lyngdoh ula iakynduh ia ka myntri ka tnad child development ka Smriti Irani ha Delhi ar bnai mynshwa.
Ka aganwadi centre heh yn don ar ngut ki nongtrei bad ka nongiarap. Ka bai burom ne ka jingsiew la pynheh na ka T. 3,500 sha T. 4,500 shi bnai. Katba ia ki nongiarap yn siew T. 2250 shi bnai. Yn thung ruh sa 51 ngut ki Lady Supervisor ha ki 1266 ki aganwadi centre.
Ka sorkar pdeng kan pynlut T.826.38 lak katba ka sorkar jylla kan sei T. 743.74 lak.
Pyniar ka tnad social welfare ia ka lyngkha ki Aganwadi centre ha ka jylla
