SHILLONG: U MDC barim ka Khasi Hills Autonomous District Council u bah Handle Mukhim ula pynpaw ia ka jingsngew khia ba kiba bun kiba long MDC, kila pyndonkam pynban ia ka District council tang kum ka kper shah hikai ban long MLA.
Haba kren ha ka 3 tarik Risaw 2023, u bah Handle ula ong ba ha ka jingshisha, lada long MLA bad MDC kan pynkhlain bad pynmyntoi ia ka Council, hynrei ynda kila long MLA ki klet noh ia ka Council.
Ula ong ba lada ki MDC ki kitkhia ban wad ban thaw lad, kam ym don jingeh ban pynmih pisa ia ka Council wat ban pynheh ia ka baibam tymmen jong ki MDC barim hynrei kaba sngewsih ka long ba ladon pynban kiba thmu ban pyndam noh wat ia ka ain kaba la mynjur u Lat ban ai bam tymmen.
Shah pyndonkam ka KHADC tang kum ka kper ban long MLA, ong u MDC barim
