SHILLONG: U CEM ka KHADC uba dei u MDC ka NPP u bah Pyniaid sing syiem u la thlieh dain ia ka voice of the people party (VPP) da kaba kynnoh ba ka dei ka party dur bula jong ka TMC na west Bengal.
Haba kren mynta ka 27 tarik Nailur 2023, u bah pyniaid u la kynnoh ba u Prah uba dei ka shap jong ka VPP, um dei u prah Khasi hynrei u prah West Bengal namar ba ha ka elekshon, ka dei ka TMC kaba iarap kumba jia ha Mawryngkneng ha kaba ka VPP ka jop bad kawei pat ka dei na ka jingshongshit ka jingrwai kumba la ong ki paidbah.
Lada iakhun elekshon lashem snem, la ithuh ia kiba ialeh pyrshah, kam don jingeh shuh, bad u la ong ba lada dei u Prah Khasi lehse ka lah ban don ka jingiakhun hynrei lada dei u Prah na West Bengal kam ym shan slem.
U CEM ka KHADC u bah Pyniaid sing syiem mynta ka 27 tarik Nailur 2023, u la ong ba ka KHADC ka pynkup burom ia u nongthaw jingrwai ba pawnam u bah Smiling F Mylliemngap. U bah Pyniaid u la ong ba u bah Smiling u dei uwei uba shna ia ka jingrwai ia u Late HS Shylla haduh ba u bah Ardent M Basaiawmoit ula rem ha kato ka elekshon.
Lah ban kdew ba ia ka jingrwai Prah ka VPP, la thaw da u bah Smiling kaba la iaid iew bha haduh kine ki sngi haduh ba ki briew kila ia tem ha kali, ha skul, ha jaka leh sngewbha.
Dang shen, u myntri rangbah u Conrad K Sangma ruh u la khot ban ai burom ia u bah Smiling namar ka jingdon sap jong u ban thaw jingrwai kum uwei na ki Khasi.
U Prah um dei u prah Khasi hynrei dei u prah West Bengal: Pyniaid
