SHILLONG: Ka sorkar jylla ka la pan jingshai na ka Khasi Hilla Autonomous District Council (KHADC) halor ka jingiatyngkhuh ka ktien Clan ha ki ar tylli ki ain, kata Khasi Social Custom and Lineage Act bad ka Clan Act.
Haba kren sha ki lad pathai khubor mynta ka sngi, Deputy Chief Executive Member u bah Pynshngain N Syiem u la ong ba ka sorkar jylla ka pan jingshai halor ka jingmih ki ar tylli ki kyntien ka Clan ha kine ki ar tylli ki ain ka Council.
Halor kane, ka Executive Committee kan wanrah ia kane ka Clan Bill ha kane ka dorbar ban iathir sani bha hapoh ka dorbar.
Ha ka jingshisha, ka Council ka la dep thung ia ka Committee kaba khlieh u bah Bindo M Lanong ban pule bniah ia kane ka Clan Bill bad ka la phah ruh ia ki jingai jingmut.