SHILLONG: Ki MLA ka Liang Pyrshah ki la khywit tyngeh hapoh ka ïingdorbar thawaiñ ia ka jingleh donbor jong ki pulit ia ki paidbah, bad la pynpaw ruh ba kane ka jingleh donbor jong ki pulit ka la bteng naduh ka jingshah siat ïap u nongialam barim ka HNLC, u bah Cherishstarfield Thangkhiew ha ka 13 tarik Nailar 2021 haduh ka jingthombor ia ki paidbah ha Thangskai, East Jaintia Hills ha ka public hearing jong ka Meghalaya Cement Limited ha ka 24 tarik Nailar mynta u snem bad kumjuh ha ka jingiaid paidbah jong ki dkhot ka HITO ha ka 4 tarik mynta u bnai.
Ia kane ka mat iakren la wanrah da u MLA ka VPP na Mawlai u Bah Brightstarwell Marbaniang bad la iashim bynta ruh da kiwei ki MLA ka Liang Pyrshah ba kynthup ia u Bah Adelbert Nongrum MLA ka VPP, u Dr Mukul Sangma MLA ka TMC, u Bah Ardent Miller Basaiawmoit MLA ka VPP bad u bah Charles Pyngrope MLA ka TMC.