SHILLONG: Ka dorbar synrai ka ïing dorbar thaw ain ka jylla Meghalaya kaba san snbi kala sdang mynta ka sngi.
Haba sdang ka dorbar, u MLA ka Voice of the People Party (VPP) u bah Adelbert Nongrum ula wanrah da ka Motion of Amendment ia ka rai ka Business Advisory Committee ka ïing dorbar, ban dawa ba dei ban pynjlan sngi ia ka dorbar namar ba ka lyngkot palat, ha kaba ki MLA khamtam na ka liangpyrshah kin ym lah ban kren ia ki mat kiba bun kiba ktah ia ka jylla.
U President ka VPP ruh u bah Ardent M Basaiawmoit ula bynrap da kaba kyrshan lang ia kane ka mat ba wanrah u bah Adelbert.
U bah Adelbert ula ong ba ka jingai tang 2 sngi ia ki MLA liangpyrshah ban rah ia ki mat kala jyndong palat, bad ula kyntu ia u Lamphang u Thomas A Sangma ban pynjlan ia ka sngi long dorbar.
Hynrei haba jubab halor kane, u Symbud Myntri Rangbah ka jylla u bah Prestone Tynsong uba peit ia ka tnad Parliamentary Affairs, ula ong ba ka Business Advisory Committee kala iatai sani ia ki sngi bad kala rai ruh ba man ka sngi long dorbar lah ban pynjlan 2 ne 3 kynta lada don ki mat ba donkam ban iathir.
Ula kyntu ia ki MLA liangpyrshah ban ym ia rah lang kijuh ki mat namar ba kan pynsyrwa kai ia ka por.
Hadien, kane u bah Adelbert ula weng noh ia kane ka motion.
Na ka 5 sngi, ngi ioh tang 2 sngi ban rah ia ki mat: Adelbert
