SHILLONG: Ka seng Hynniewtrep Achik National Movement (HANM) ka la dawa ban weng noh ia ka ktien Bharat na ka riti synshar ka ri bad dei ban pynneh ia ka ktien India. U la ong ba ha ka riti synshar ka ri kam kren ia ka India kum ka ri iashah niam hynrei ka pdiang ia baroh ki jait niam.
Ia ka ktien India la pynwan dur na ka wah Indus bad Bharat la shim na ka kot RigVeda kaba dei jong ka Hima Aryabhatta, bad ka India kam dei tang jong kawei ka Hima hynrei ka kynthup 565 tylli ki Hima kynthup 54 tylli ki Hima Khasi, 12 Doloi.
U la the ria ka BJP ba ka thmu ban pynkylla ia ka ri India sha ka kyrteng kawei ka Hima kata ka Bharat bad ka paw shai ba kane ka sorkar ka khein dewthala ia ki 565 tylli ki Hima. U la buh jingkylli, kumno kane ka sorkar BJP kam burom shuh ia ki 565 tylli ki Hima kiba la rai ban don ha India, bad halor kane, ka HANM ka kyntu ia ki MP ban pyrshah jur ia kane ka jingthmu ka BJP ban pynskhem ia ka ktien Bharat da kaba thmu ban pynduh ia ka ktien India.
Ka ktien Bharat ka wan na wah Indus, ka Bharat na ka Rigveda: President HANM
