SHILLONG: Khasi Students Union Mawphlang kala dawa na u myntri ka tnad pule puthi ka jylla u Rakkam A Sangma ban pynsted noh ia ka jingpyndep ia ka jingtei ia ka Science bad Commerce College kaba la sah kumto haduh mynta ha Mawphlang.
Hadien ba la kynduh ia u myntri, u nongialam ka KSU u samla Baniengskhem Kharbani u Secretary KSU Mawphlang unit, ula ong ba u myntri ula kular ban pyndep noh ia kane ka College kaba la mang T. 36.55 klur hapoh 5 bnai eiei.
Ia kane ka College la buh maw nongrim ha 2017 da u myntri rangbah barim u Dr Mukul Sangma bad la sdang ia ka kam, ha 2019.
U myntri ula kular ruh ban leit jurip ia katei ka college hadien ka dorbar synrai.
Dang sah khongreng ka Science bad Commerce college ha Mawphlang
