SHILLONG: U myntri rangbah ka jylla u Conrad K Sangma ula phalub tyngeh ia kito kiba sngew khohñioh ia ka ktien Bharat.
Haba jubab halor ka jingkylli, u Conrad ula ong ba ka ktien Bharat ka dei ka bynta kaba don ha ka riti synshar ka ri bad ka ktien India.
Ula ong ba u ju pyndonkam ia ka ktien Bharat haba u kren Hindi bad ka ktien India haba u kren da ka phareng bad kine baroh ki don kajuh ka jingiadei.
Lah ban kdew ba kiba bun ki sngew khohñioh bad wohnia ia ka ktien Bharat hadien ba ka sorkar BJP kala pyndonkam ha ka jingialang G20 ban pdiang burom ia ki heh ka pyrthei. Kane ka jingkhohñioh kala pur sha kane ka jylla ruh ban pynrem ia ka BJP ba ka thmu ban pynkylla Hindu ia ka India.
Phalub tyngeh u Conrad ia kiba sngew khohñioh ia ka ktien Bharat
