SHILLONG: U nongialam ka Congress u bah Manuel Badwar u la ong ba ha ka jingsngew jong u, ka thong ban pynlong tang kawei ka elekshon shisien ha baroh kawei ka ri, kan long ka jingma ia ki seng kiba don ha ki jylla bapher bapher bapher ha ka ri bad, kiba lah ban ialympat kin dei tang ki seng heh ne ki national parti.
Haba kren mynta ka sngi, u bah Manuel u la ong ba ka jingthmu ka BJP ka dei ruh ka buit ban ioh klun ha ka ri ban pynhun ia ki kynhun jongki kum ka RSS. U la ong haba ka thmu ban wanrah tang kawei ka elekshon, ki thmu ruh ban pynkylla ia ka kyrteng ka ri na ka kyrteng India sha a Bharat.
U la ther ia ka BJP ba ka thong jongka, ka long ban pynioh bor ia ki heh paid Hindu bad ban noin ia kiba rit paidbah ha ka ri.
Halor ka jingkren iahap u bah Prestone ban long kawei ka elekshon ha ka ri, u bah Manuel u la ong ba ha ka synshar paidbah, ki don la kajong ka jingsngewthuh bad ha ka jingsngewthuh jongu, kan ktah hadien katto katne snem.
Halor ka National Education Policy 2020, u bah Manuel u la ong ba ha ka jingsngewthuh jongu, ka donkam ban iaid shakhmat bad katkum ka jingiaid ka por ka donkam ban iaid hynrei ha Meghalaya kan don jingeh namar ba ka polisi kan ktah ia ki jaka pule bad kaba sngewsih ka long baa k sorkar ka shu kwah ban pyntreikam khlem pyrkhat ia kiwei ki jingdonkam. U la ong ba donkam ban pyntreikam khyndait pa khyndiat, ym ban shu leh brut baroh shisien leh.