SHILLONG: U National Vice President ka National People’s Party (NPP) uba dei ruh u Symbud Myntri Rangbah, u Bah Prestone Tynsong u la ong ba haduh mynta kam pat don kano kano ka jingiakren ha Parliament lane hapoh ka ïingdorbar thawaiñ jong ka Jylla halor ka jingthmu ban pynlong ia baroh ki election ha kajuh ka por da ka Sorkar pdeng lane ka ‘One Nation, One Election’.
U la ong ba ha ka jingsngew ka jong u shimet, ka jingthmu ban wanrah ia ka Bill ‘One Nation, One Election’, kan iarap shibun namar kan lait na ka jingpynlut kai ia ka por, ki jinglut jingsep kin duna, bad ka jingpynbunkam ia ki ophisar, khamtam lada don election ka ju don ka jingpynjari ia ki aiñ election lane ka Model Code of Conduct, kaba ktah pat ia ka jingiaid beit ki kam pynroi.
Kawei ka elekshon ha ka ri baroh kawei, ka biang, ong u bah Prestone
