SHILLONG (PIB): Ha ka jingrakhe ia ka G20 Presidency jong ka India, ka Akashvani Shillong ha ka jingiatreilang bad ka St. Anthony’s College, Shillong ka la pynlong ia ka Conclave mynta ka sngi ha St. Anthony’s College, Shillong, ha kaba la iamir jingmut halor ki phang kum ka:- ‘Local relevance & importance of G20’ bad ‘Up-skilling the youths for better prospects’. Ki riewshemphang ha ka panel jong ka Conclave kilong u Bah Wankit Kupar Swer, General Manager, Meghalaya Basin Development Authority, Bah Mark Laitphlang, Founder & CEO, Avenues Shillong & Kong Jacqueline Audrey Swer na ka PRIME start-up Hub, Meghalaya. Ki samla pule ki la iashim bynta shitrhem ha kane ka prokram.
Ia ka jingkren ba kongsan la ai da u Rector, St. Anthony’s College, Shillong, Dr. Father A. L. Jose. Ha ka jingai jingkren jong u, u la ban jur halor ka jingkongsan ka phang jong ka G20 Presidency jong ka India – Kawei ka Pyrthei, Kawei ka Longiing, Kawei ka Lawei, bad u la ong ba kane kadei ka khubor kaba pyntylli lang ia ngi baroh.
La don ruh ka jingrwai bad jingshad tynrai ha kane ka prokram. La pynlong ruh ia ka Open Quiz na ka bynta ki samla pule kiba iashim bynta.
Pynlong ka Akashvani Shillong ia ka Conclave halor ka G20 ha St. Anthony’s College
