SHILLONG: Ki Nongialam bad ki dkhot jong ka HYC Shella Area Unit, ha ka 1.9.23 hapoh ka jingialam U Vice President Samla B. Natep bad u General Secretary Samla W. Diengdoh ki lah leit ban khang Tala ia ki AR Tylli ki tnum network ne Mobile Tower kiba dei jong ka Airtel bad Jio Kompeni kiba don hapoh Shnong Shella.
Ka jingshim jong ka Seng ia kane ka sienjam ka long ba hadien ba ki Paidbah nongshong Shnong ki lah ud ia ka jingthut palat ka network bad ka jingbymhun ia ka jingai shakri kine ki AR tylli ki kompeni. Haba pyrshang ban wad jingtip lah ioh jingtip ba ia u Tower jong ka Jio Kompeni lah pynmeh tang naduh 6baje mynstep haduh 9baje mynmiet bad baroh shimiet lah khang ia ka Netwrok man ka sngi bad kane ka lah wanrah jingeh ia ki Paidbah kiba pyndonkam ia ki Mobile phone. Na ka liang ka Kompeni Airtel ruh kam lah ban ai ka jingshakri kaba pynhun ia ki Paidbah.
Ka Seng ka dawa ia kine ki Kompeni ba kidei ban shim ia ki lad ki lynti van pynbeit bad pynbha ia ka Service ka jong ki lym kumta ngim banse ban shim da kiwei pat ki sienjam pyrshah ia kine ki Kompeni. Kane ka long ka kyrwoh na u bah Samla B. Natep, Vice President ka HYC-Shella Area Unit.
Khang tala ka HYC Shella ia u tnum ka Jio, Airtel bym ju ioh Network
