SHILLONG: Ka dei ka jingkmen jong ka jingjop ia ka India ba ha ka por 6.03 baje mynta ka janmiet, u Vikram ula ai jingtip sha Mission Control ha Bengaluru, ba ula iuhkjat ha u bnai.
U Chandrayaan-3, ula iaid sawdong jong u bnai haduh 15 sngi kynthih shwa ba un iuh kjat ha u bnai. La pynher ia utei u satellite, ha ka 14tarik Naitung 2023, na Sriharikota.
Ka jingpawnam jong u Chandrayaan-3, ka dei ba u leit dem ha ka bynta ba shathie jong u bnai ne ka south pole kaba dei ka bynta, kaba ju rieh bha na ka sla pyrthei.
Da kane ka jingjop, ka India, ka dei ka ri kaba saw ban poi sha u bnai hadien ka USA, Russia bad ka China.
Poi bnai u Chandrayaan-3 ka India
