SHILLONG: U Myntri Rangbah ka jylla u Conrad K Sangma ula iaroh ia ka tnad pulit ka jylla kaba la lah ban pynkdiah kloi ia u budlum ka seng kiengatiar ka National Liberation Council of Nongkyndong (NLCN) mar ia sdang kha.
Haba kren sha ki lad pathai khubor mynta ka sngi, u Conrad u la ong ba ka NLCN kam dei ka seng lehnoh hynrei ka dei tang ka seng ki riew shimet kaba pyrshang ban pyniatylli bad ban ioh jinghikai tangba kila shah pynlko noh ha ki bor pulit ha ka por kaba biang bha.
Ki pulit ka jylla kila kyndang ia kane ka seng haduh ba 11 ngut kila shah kem noh ha kine ki sngi kynthup ki nongialam ba heh jongka.
Baroh kiba shah kem la pyntiang bishar bad mynta ki dang don hapoh ka jingtohkit jong ki pulit kynthup uwei ba dang khynnah rta bad kawei ka longkmie.
Ka HLCN ka dei ka kynhun shimet, iaroh u Conrad ia ki pulit ba pynkdiah kloi ia u budlum
